काठमाडौं । नेपाली कांग्रेस बैतडीको पञ्चेश्वर गाउँपालिका कार्यसमितिले पार्टी एकढिक्का नभएसम्म वडा र पालिकाको अधिवेशन नगर्ने निर्णय गरेको छ ।

कार्यसमितिको शनिबार बसेको बैठकले पार्टी एकढिक्का नभएसम्म वडा र पालिकाको अधिवेशन नगर्ने निर्णय गरेको हो ।

‘नेपाली कांग्रेस पूर्णरूपमा एकढिक्का भएर नआएको खण्डमा कुनै पनि तहको अधिवेशन नगर्ने निर्णय सर्वसम्मत पारित गरियो,’ बैठकले गरेको निर्णय पुस्तिकामा लेखिएको छ ।

पालिका सभापति रामबहादुर चन्दले कार्यसमिति बैठकबाट पार्टी एकढिक्का नभएसम्म कुनै पनि तहको अधिवेशन नगर्ने निर्णय गरिएको प्रतिक्रिया दिए ।

उनले चार वडाका सभापतिहरू, स्थानीय तह निर्वाचन २०७९ र २०७४ मा पार्टीका तर्फबाट स्थानीय तह निर्वाचनमा उम्मेदवार रहेका नेतासहितको बैठकले उक्त निर्णय गरेको पनि बताए ।

‘१ र २ नम्बर वडाको प्रतिनिधित्व थिएन । ३, ४, ५ र ६ का वडा सभापतिजीहरू हुनुहुन्थ्यो । दुई–चार जना अन्य क्रियाशील सदस्यहरू थिए,’ सभापति चन्दले भने, ‘०७९ र ०७४ का उम्मेदवार थिए । बैठकमा बोलाएको पति त्यत्ति हो । निर्णय सर्वसम्मत गर्‍यौं ।’

कांग्रेसको १५ औं महाधिवेशनका लागि संस्थापन र संस्थापन इतर समूहले छुट्टाछुट्टै कार्यतालिका ल्याएका छन् । संस्थापनले असोज ३ र ४ गते वडा अधिवेशन तोकेको छ ।

यस्तै, पूर्वसभापति शेरबहादुर देउवाको समूहले आगामी असोज १५ मा वडा अधिवेशन गर्ने कार्यतालिका तय गरेको छ ।

शुक्रबारमात्रै कांग्रेसका दुई दर्जन नेताहरूले अपिलमार्फत दुवै समूहलाई कार्यतालिका स्थगित गरेर एकताका लागि वार्ता गर्न आग्रह गरेका थिए ।

राप्रपा डडेल्धुराको ७औँ जिल्ला अधिवेशनबाट भण्डारी अध्यक्षमा दोहोरिए

सुदूरआवाज डडेल्धुरा ।  राष्ट्रिय प्रजातन्त्र पार्टी (राप्रपा) डडेल्धुराको ७औँ जिल्ला अधिवेशन शनिबार सम्पन्न भएको छ । अधिवेशन मार्फत  राजेन्द्र

बाढी प्रभावित महिला तथा बालबालिकाको सुरक्षाका लागि हेल्प डेस्क राख्न संसदीय समितिको निर्देशन

  काठमाण्डौ । प्रतिनिधिसभाअन्तर्गतको महिला तथा सामाजिक मामिला समितिले बाढी प्रभावित क्षेत्रका महिला, बालबालिका तथा अन्य जोखिममा रहेका समूहको

विपदमा परी रूँदै गरेका नागरिकलाई होच्याउनेहरूलाई पार्टीमा ठाउँ छैन; रवि लामिछाने

काठमाडौं।राष्ट्रिय स्वतन्त्र पार्टी ९रास्वपा०का सांसद रवि लामिछानेले विपदमा परेका नागरिकहरुको घाउमा नुनचुक छर्किने गरी अभिव्यक्ति दिनेहरूलाई