जनमैत्री काम भएका छन 

SITENAME

 

पुष्कर भण्डारी
सोमबार भदौ ११, २०७५
रेडियो सुदूर आवाज

भागेश्वर डडेल्धुरा- बिद्यार्थी राजनिती बाट स्थानिय प्रतिनिधीको उमेदवार पछि भागेश्वर गाउपालिका प्रमुखमा निर्वाचित कौशिला कुमारी भट्ट भन्छिन आफु निर्वाचित भएको एक बर्षमा जनमैत्री काम भएका छन । गाउ वस्ति, वडा, स्तर बाट योजना छनौट भई आएकाले स्थानियहरुले नै माग गरे अनुसारका योजना छनौट गरी काम भए । तर जनप्रतिनिधीको पहिलो बर्ष भएकाले अध्ययन अनुसन्धानको राम्रो सिकाईका रुपमा पनि पहिलो बर्ष रह्यो ।

 

१) तपाई लगायत स्थानिय जनप्रतिनिधीले भागेश्वर गाउपालिकाको नेतृत्व गरेको एक बर्षमा के कति उपलब्धी भए ?

जम्मै काम सबै समस्या समाधान भईसक्यो भन्ने छैन । विकासका कुरा गर्ने हो भने सडक देखि लिएर शिक्षा, स्वास्थ्य देखि सबै तर्फ केही काम भएका छन । जस्तो ल्याब, अल्ट्रासाउण्ड गाउपालिकामै सञ्चालन गरेका छौ । नो मोर होम डेलीभरीका कार्याक्रम सञ्चालन ग¥यौ, जसमा वान वेई एम्बुलेन्स फ्रि भन्ने लागु ग¥यौ । शिक्षा तर्फ कसरी स्तोउन्नती अथवा गुणस्तरिय प्रतिसपर्धात्मक हुन्छ भन्नेमा थियौ अहिले १० वटा बिद्यालयमा अंग्रेजी भाषामा अध्ययन अध्यापन शुरु गरि सकेका छौ । १० लाखको छात्र बृत्ति कोष स्थापना गरेका छौ । जस अन्र्तग गरिब, दलित असहाय एसईईमा उत्कृष्ट नतिजा ल्याउन सफल पाँच जना लाई प्रत्येक बर्ष निःशुल्क प्राबिधिक शिक्षा प्रदान गर्ने भन्ने लक्ष्य राखिएको छ । दुर्गमका गाउवस्ति लाई सडक सञ्जाल संग जोड्यौ अझै जोड्दै छौ । कृषि तर्फ माटो परिक्षण गरि सकेका छौ, फलफुल बगैचा स्थापना गरी सार्वजनिक बाझो रहेको जमिनमा निःशुल्क बोट बिरुवा उपलब्ध गरी बृक्षारोप गर्ने लगायतका थुप्रै कामहरु गरेका छौ ।

 

२) कस्ता–कस्ता योजनालाई प्राथमिकतामा राख्नु भएको छ ? 

गाउ घरमा स्थानियले धेरै बुझेर हो या नबुझेर हो । सडककै माग भई आउने भएकाले सडकलाई नै प्राथमिकतामा राखि अन्य योजना भन्दा १०–१२ लाख रकम बढी सडकमै हालि काम गरियो । यस संगै शिक्षा, स्वास्थ्य, कृषि लगायतका सबै क्षेत्रमा काम भए । यसरी नि अघि बढेका छौ । 

 

३) कर्मचारी र जनप्रतिनिधिका बीच काम गर्दा केही असहज भएको छ ?  के कस्ता कुराहरु बाझिन्छन ?

त्यो असहज भन्दा पनि हाम्रो गाउपालिकामा अझै पनि कर्मचारी अभाव रहेका छन । हुनु पर्ने कर्मचारी भएन्न । धेरै ठाँउमा सचिव छैन्न । सचिवको काम चलाउ भनेर अरु कसैलाई दिन पनि नमिल्ने । एक जना सचिवले दुई तिन वटा वडाहरुको जिम्मेवारी सम्हाल्नु पर्ने लगायतका समस्या आए । 
केही केही कुराहरु मिल्दै नमिल्ने गरी कर्मचारी लाई हामिले भनेर पनि  हुदैन ।  जनप्रतिनिधी र कर्मचारीका बिचमा त्येती धेरै खटन पटन कतिपय ठाँउमा भनिएका हल्ला भए जस्ता मेरो  कार्यालयमा देखिएन्न । 

 

४) भागेश्वर सरकारका एक वर्षमा गौरव गर्न लायक योजना के–के हुन् ? 

मैले भनि सके नि प्रत्येक बर्ष पाँच जना लाई निःशुल्क प्राबिधिक शिक्षा, पाँच वटा बिद्यालयमा अंग्रेजी भाषामा पढाई गर्ने लक्ष्य लिएका थियौ अहिले १० बिद्यालयमा अध्ययन अध्यापन भईरहेको छ । नो मोर होम डेलिभरी, वान वेई फ्रि एम्बुलेन्स, आमा र बच्चाको ज्यानै जोखिममा हुन्छ हाम्रो ग्रामिण वस्तिमा खोप लगाउन खोप केन्द्र सम्म बच्चा बोकेर आउदैन्न । चार वटा खोप केन्द्र स्थापना गरी स्वास्थ्य शन्देशहरु दिदै हामि आफै त्यसै ठाउमा बसि राखेका छौ । 
सडक बाटाहरु पनि बनेका छन अब के के लाई गौरबका बिषय भन्ने बुझ्नेले राम्रा कामहरुको मुल्यांकन गर्न सके गौरबकै योजना सम्पन्न भएको जस्तो लाग्छ ।

 

५) निर्वाचनताका समय अब सिंहदरबार गाउँगाउँमा आउँछ भनेर भोट माग्नुभयो । सिंहदरबार गाउमा आयो कि आएन ?

यस्तो हो । सिहंदरबार पुरै गाउमा आयो कि आएन हामिले नै स्पष्ट पार्नु पर्ने जस्तो लाग्दैन मलाई । तर कुरो के हो भने पहिलेको तुलनामा गाउघरमा विकास भने पक्कै भएको छ है । पहिले बजेट पनि निकै कम हुन्थ्यो अहिले गाविसको तुलनामा कयौ गुना बढी बजेट आयो र गाउमा नै खर्च पनि भएको सबैलाई सर्वविवितै छ । हाम्रो गाउपालिकामा तपाई अनुगमन मुल्यांकनमा कहिलेकाही गयो भने त्यो हेरे हुन्छ । जे छ प्रष्ट नै देखिन्छ । हाम्रो कुल बजेट राम्रो काममा व्यवस्थापन भएको छ  र सदुपयोग पनि भएको छ । त्यसमा गाउपालिका वासी पनि सकरात्मक नै छन । जनप्रतिसनिधी आए पछि नराम्रो भयो भन्ने छैन । 
केन्द्रमा भएका अधिकार तल्लो निकाय वा गाउपालिका बाट नै प्रदान गरिनु सिहंदरबार हो । पहिले कुनै पनि काम गर्न सदरमुकाम डडेल्धुरा पुग्नु पर्ने थियो । अहिले बगरकोट वा वडामा नै भई राखेको छ । माथिको अधिकार तल्लो तहमा प्रत्यायोजन हुन हो भएको छ । जनता लाई कसरी सर्वशुलभ रुपमा सेवा प्रदान गर्ने भन्ने नै हो भएको छ नि । 

 

५) स्थानीय सरकार सँग जनताका अपेक्षा धेरै छन्, भागेश्वर गाउपालिकाले कसरी सम्बोधन गरेको छ ? 

सबै जन चाहाना, समस्या पुर्ण रुपमा निराकण गर्न सक्छौ भन्ने होईन । युवा व्यरोजगारीका सवालमा नेपाल सरकारले गर्न सकेको छौन हामिले एकै पटक कसरी गर्ने ? गाउपालिकाको सम्भाव पनि भएन । तर कसरी युवा लाई उत्प्रेरणा दिन सकिन्छ । गाउमा सचेतनाका कार्यक्रमहरु, ब्याप्त रहेको अज्ञनता कसरी न्युनीकरण गर्न सकिन्छ भन्ने धारणले अघि बढि रहेका छौ । एउटा सकरात्मक पक्ष अहिले नै नतिजा नआउने भएकाले केही समय पछि राम्रो नतिजा आउछ भन्नेमा म विश्वस्त छु ।
अर्थशास्त्रको नियमा नै छ । सिमित साधनले असमिती आवश्यकता पुर्ती गर्न सकिदैन । अनि मानिस ईच्छा आकांक्षा कहिलै पुरा पनि हुदैन्न । सम्बोधन गर्ने सवालमा पि वान, पि टु, पि थ्रि भनेर बढी भन्दा बढी स्थानिय समुदाय लाभान्वित हुने, वास्तविक माग गरी योजना छनौट गर्ने प्रक्रिया छ । त्यसै अनुसार माग सम्बोधन गरिएका छन । 

 

७) स्थानीय सरकार सञ्चालन गर्दा के–कस्ता चुनौती रहे ?  
सबै भन्दा ठुलो चुनौती हामि विकट ग्रामिण भेगका मान्छे । अधिकांस स्थानिय गरिब, अशिक्षित, पिछडिएका छन, पिडित छन, यसमा पनि गरिबि ठुलो चुनौतीका रुमा रह्यो । अनि सबै कुरा सहज पनि हुदैन्न । यसमा पनि आफु सम्हालिएर काम गर्न सक्नु प¥यो ।

 

८) एक वर्षमा तपाईले गर्न चाहेको काम तर गर्न नसकेका केही काम छन् की ?

त्यस्तो केही छैन । खासमा के भयो भने, अबका दिनमा केही भयो भने म भनौला । पहिलो बर्ष हामि पनि नँया, योजनामा परिपक्क नभएको अवस्था थियो । जे भए गरियो सबै महत्वपुर्ण नै थिए । हुन त काम गर्दै जाँदा पछि अलिकती  यसो भए हुन्थ्यो भन्ने खोजिने भयो । खासै त्यस्तो छैन सबै ठिक ठाक भएको छ । 

 

९) तपाई एउटा किशोरी, महिला भएकै कारण काम गर्न केही कठिन त भएन् ?

एक दम । कठिन भनेको के भने । हाम्रो सुदुरपश्चिममा सबै भन्दा बढी कुप्रथाको रुपमा रहेको छाउपडी प्रथा । यो म संग पनि सम्बन्धित छ । म एउटा महिला हु । यस लाई कसरी हटाउन सकिन्छ भन्ने अभियान छुई बर्ष २०७५ पनि मनाई रहेका छौ । तर यो छिट्टै समाज बाट हट्छ जस्तो मलाई लाग्दैन । सुदुरपश्चिममा अरु कुनै पनि स्थानिय तहमा महिला प्रमुख नभएकाले सबैले मलाई यो अभियानमा जुट्न पनि भनेका छन । यो सबै भन्दा ठुलो चुनौती छ । 
अरु कुनै लक्ष्य उद्देश्यमा नपुगेको, महिला भएर काम गर्न नसकेको केही पनि छैन । 

 

१०) यसरी जनताको काम गर्न केले उर्जा दिएको छ तपाईलाई ?

खुसी कतिबेला लाग्छ भने मान्छे साँचिकै पिडित थिए त्यही बेला केही राहत महशुस गर्न मिल्छ भने उर्जा मिल्छ । गरेको काम राम्रौ भन्ने सुनिन्छ यो नै उत्प्रेरण हो । म अझै गर्न सक्छु जस्तो लाग्छ । उर्जा मिल्छ । 
हाम्रो रुपाल क्षेत्र भनेको सबै भन्दा विकट । त्यहा पुग्न पनि ८–९ घण्टा पैदल हिड्नु पर्ने । त्यहा बाट जोगबुढाको परशुराम धाम क्षेत्र यसलाई सडक सञ्जालले जोड्न सके अझै उर्जा मिल्थ्यो जस्तो लाग्छ । भागेश्वर गाउपालिकामा गुणस्तरिय शिक्षामा पहुच नभएका कारण आठ नौ कक्षा मै बिद्यालय छोड्ने, बालवालिका लाई राम्रो शिक्षा दिनु पर्छ भन्ने भावना अर्झै अभिभावकहरुमा जागरुक हुन सकेको छैन । बिचार भए पनि गरिबीका कारण पढाउन नसक्ने अवस्था पनि छ । अहिले हामिले स्वयम सेवक शिक्षक भनेर परामर्श बाट तलब दिने गरी २२ जना शिक्षको आवश्यकता सुचना निकाल्दै छौ । यस्ता नँया काम गर्न सक्यो भने । स्थानियले ठिक लाग्यो भन्दा उर्जा मिल्छ ।  

 


 

प्रतिकृया दिनुहोस
SITENAME

भु–क्षय बाढी पहिरो भित्रि मधेशको मुख्य चुनौती

शुक्रवार जेठ २५, २०७५ रेडियो सुदूर आवाज डडेल्धुरा- हामि संग जे जती स्रोत साधन र बजेट छ त्यो अनुसारका योजना सञ्चालन गर्छौ । रंगुन नदी तट बन्धको गुरु

SITENAME

स्मार्ट सिटी घोषणा गराउन कार्यान्वयन तर्फ अघि बढ्दै छौ

बिहिबार जेठ २४, २०७५, रेडियो सुदूर आवाज स्थानिय निकायको निर्वाचनका समयमा अमरगढी स्मार्ट सिटीको नारा लगाई डडेल्धुराको ईतिहासमा पहिलो पटक कम्युनिष्ट

SITENAME

सार्वजनिक निर्माणका काम नै मुख्य प्राथमिकतामा 

बुधवार जेठ २३, २०७५ पुष्कर भण्डारी पहिले गांखेत गाविसको अध्यक्ष हुनु भएको थियो ? संघियता पछि अहिले तपाई गाउपालिका अध्यक्षमा निर्वाचित भएको पनि १०