अझैं केही बर्ष खेल्न चाहन्थें तर परिस्थितिले दिएन: अनिल गुरुङ, फुटबलर..

SITENAME

नेपाली राष्ट्रिय टीमका स्टाइकर अनिल गुरुङ अब अन्तराष्ट्रिय खेलमा सहभागि हुने छैनन् । एसिया कप फुटबल छनोट अन्तर्गत नेपाल र फिलिपिन्सबीचको पाँचौं खेल खेलेपछि उनले अन्तराष्ट्रिय प्रतियोगिताबाट सन्यासको घोषणा गरेका छन् । हालै एक समारोहबीच उनलाई विदाइ समेत गरियो ।

सन् २००७ देखि २०१७ सम्म उनले राष्ट्रिय टीममा रहेर ५० बढी प्रतियोगितामा सहभागिता जनाए । हालै रंगशालालाई ढोगेर अन्तराष्ट्रिय खेलमा राष्ट्रिय टोलीबाट नखेल्ने जनाउँदै विदा लिएका छन् । यसै सिलसिलामा अनिलसँग इमेज च्यानलका तर्फबाट जगदिश खरेलले गरेको कुराकानीको अंश:

रंगशालाको चौरलाई ढोगेर विदाई लिंदा कस्तो अनुभव भयो ?

सोच्दै नसोचेको विदाई भयो मेरो । नरमाइलो अनुभव भइरहेको छ । ९० मिनेटको खेल सकिनासाथ मेरो मन रोइरहेको थियो । राष्ट्रिय टिमका तर्फबाट १० नम्बरको जर्सी अब म सँग हुनेछैन भन्ने लागिरहेको थियो । मेरो भब्य विदाइको तयारी भएको रहेछ । जुनबेला म दुःखको हाँसो हासिरहेको थिएँ ।

उमेर त ढल्किसकेको थिएन तपाईंको सन्यास नै किन लिनुपर्‍यो ?

मैले धेरै बर्ष देशका लागि खेलें । सधैं मैले मात्र खेल्नुपर्छ भन्ने छैन् । नयाँ पुस्ताले अवसर पाउनुपर्छ । पछिल्लो समयमा नेपालमा धेरै गेम हुन सकिरहेका छैनन् । त्यसले पनि अलिक निराश बनायो ।

कुन ‘ट्रनिङ पोइन्ट’मा आइपुगेपछि सन्यास लिने सोच्नुभयो र अहिले घोषणा गर्नुभयो ?

मैले सोचेको चाहीं मलेसियामा भएको सोलारिडि कप जितेर आएपछि सोच आयो । त्यसपछि मैले अग्रजहरुसँग सल्लाह लिएको थियो ।

तपाईंले खेल्नुभएको ५० अन्तराष्ट्रिय खेलमध्ये नौं गोल गर्नुभयो, यो पर्याप्त हो ?

यो गोल संख्या कम हो । हामीले धेरै हाइ लेभलको टिमहरुसंग खेल्नुपर्दथ्यो । अलिक गार्‍हो थियो खेल्न ।

पछिल्लो समयमा तपाईं प्रशिक्षकको नजरमा पर्नुभएन की एन्फाले नै तपाईंलाई रोजेन ?

कतिपय अवस्थामा कोचले पनि म लगायतका खेलाडीको प्रोफाइल पनि हेर्नुभएन । कतिपय अवस्थामा सल्लाह पनि गर्नुभएन् । तर पछिल्लो समयमा जापानी कोचको नजरमा परेको थिएँ । हाम्रो कोचहरुले प्रायः जुनियर खेलाडीलाई मात्र राष्ट्रिय टिममा राख्ने परिपाटीको विकास पनि हुँदै गयो । केही सिनियर खेलाडीहरुलाई पनि राखेर राष्ट्रिय टिममा राख्नुपर्ने थियो । त्यो हुन सकिरहेको छैन् । यद्यपी, एन्फाबाट चाहीं मलाई त्यस्तो नराम्रो भएन् ।

बेलायतमा तालिम लिएपछि फुटबल करियरमा कसरी ‘ट्रनिङ पोइन्ट’ बन्यो ?

सन् २००९ मा लन्डनमा तालिममा सहभागी भएँ तर एकदमै हार्ड लाग्यो । सक्दिन जस्तो लाग्यो । तर युकेका दाईहरुबाट हौसला पाएपछि तालिमलाई निरन्तरता दिएँ । त्यहाँको वातावरण, खेलाडीको जीनवशैली आदि देखेर अझ मेहेनत गर्दै गएँ । विस्तारै कोचले पनि मलाई रुचाउनु भयो । तर भिषाका कारण धेरै समय लन्डनमा बस्न सकिन । त्यो छोटो अवधीको तालिम मेरा लागि फुटबल जीवनकै उपलब्धी बन्यो ।

दक्षिण एसियामा नेपाली फुटबलको अवस्था कस्तो पाउनुहुन्छ ?

पहिले राम्रो थिएन् तर अहिले धेरै राम्रो हुँदै आएको छ । तर बीचमा फुटबलमा ग्याप हुनुहुँदैन् । निरन्तरता दिनुपर्छ । यसमा एन्फाले पनि ध्यान दिनुपर्छ । राम्रो रंगशाला पनि छैन् नेपालमा । यसमा सुधार गर्नुपर्छ । सबैले फुटबल खेललाई कदर गर्न सक्नुपर्छ ।

प्रतिकृया दिनुहोस
SITENAME

मेरो सहर 

रेडियो सुदूरआवाज आईतबार पुस ८, २०७५ डडेल्धुरा सुदूरपश्चिमको मुख्य प्रवेस द्धारका रुपमा रहेको मध्य पहाडी जिल्ला डडेल्धुरा सदरमुकाम बागबजार लगायत

SITENAME

जनमैत्री काम भएका छन 

  पुष्कर भण्डारी सोमबार भदौ ११, २०७५ रेडियो सुदूर आवाज भागेश्वर डडेल्धुरा- बिद्यार्थी राजनिती बाट स्थानिय प्रतिनिधीको उमेदवार पछि भागेश्वर

SITENAME

भु–क्षय बाढी पहिरो भित्रि मधेशको मुख्य चुनौती

शुक्रवार जेठ २५, २०७५ रेडियो सुदूर आवाज डडेल्धुरा- हामि संग जे जती स्रोत साधन र बजेट छ त्यो अनुसारका योजना सञ्चालन गर्छौ । रंगुन नदी तट बन्धको गुरु