भु–क्षय बाढी पहिरो भित्रि मधेशको मुख्य चुनौती

SITENAME

शुक्रवार जेठ २५, २०७५ रेडियो सुदूर आवाज
डडेल्धुरा- हामि संग जे जती स्रोत साधन र बजेट छ त्यो अनुसारका योजना सञ्चालन गर्छौ । रंगुन नदी तट बन्धको गुरु योजना नै भनौ अहिले बजेटको अभावले योजना प्रभावित भएको छ । नँया आर्थिक बर्षमा पनि बजेट छैन भन्ने सुनिएको छ । यो दुर्भाग्य हो । नेपाल सरकारले टेक्न लगाउने अनि पैसा दिन नसक्ने यो समस्या हो । डडेल्धुराको भित्रिमधेश जोगबुढा क्षेत्र परशुराम नगर प्रमुख भिमबहादुर साउद संग पुष्कर भण्डारीले गरेको कुराकानि :

एक बर्ष हुन लाग्यो तपाई स्थानिय जनप्रतिनिधी चुनिएर आएको पनि के कसरी सञ्चालन गरि रहनु भएको छ । परशुराम नगरपालिका लाई ?
हामिले यो समयमा चुनावका बेला जुन केही जनताका माझमा प्रतिबद्धता जनाएका थियौ ति प्रतिबद्धताका आधारमा रहेर १२ वटै वडा कार्यालय बाट जनतालाई सेवा प्रदान गर्दै आएका छौ । पहिलो काम जनताको घरदैलोमा सेवा भनेर यो ग¥यौ भने अर्काे काम कतिपय स्थानमा सडक बाटो थिएन अहिले ११ वटा वडामा सडक पनि पुगेको छ । दुई नं. वडामा सडक थिएन । अहिले दुई नं. वडा लाई पनि सडक सञ्जाल संग जोड्ने भनेर तिब्र गतीमा काम गरी रहेका छौ । अन्य कार्यालयका काम निरन्तर रुपमा सञ्चालन हुदै आएका छन । 

भने पछि सडक लाई नै मुख्य प्राथमिकतामा राखेर काम गरि रहनु भएको हो ?
त्यसका साथै करिबन हामिले २६ करोड विकास निर्माणका लागी आएको रकम मध्ये अरु बर्षका तुलनामा थुप्रै काम भएका छन । अहिले हामिले शिक्षाका क्षेत्रमा, स्वास्थ्यका क्षेत्र, खानेपानि, सिँचाई , गोरेटो बाटो लगायत अन्य क्षेत्रमा पनि उतिकै रुपमा काम गरि रहेका छौ । यहाको त्रिबेणी क्याम्पसलाई आंगिक क्याम्पस बनाई सकेका छौ भने, जुन चुनावका समयमा बाचा पनि गरेको थिए । परशुराम धाममा रहेको संस्कृत बिद्यालयलाई पनि आंगिक रुपमा विकास गर्ने लक्ष्य राखेका थियौ यसको पनि केही हदमा सफल भएको छ । नेपाल सरकारले निर्णय गरेको छ । जोगबुढा अस्पताललाई हामिले कम्तिमा पनि २५ देखि ५० शैयाको बनाउने भन्ने सोच बनाएका थियौ । यस लाई पनि सरकारले ५० शैयाको बनाउने भनेर घोषणा गरि सकेको छ । परशुराम धामलाई धार्मिक पर्यटकिय रुपमा विकास गर्ने पनि भनेका थियौ । यसको डिजाई ईष्टमेट पास भएर टेण्डरको प्रक्रियामा छ । 

तपाई निर्माण व्यवसायी २० बर्ष पछि स्थानिय जनप्रतिनिधी भएर आउदा कस्तो अनुभव गर्नु भयो ?
हैन म निर्माण व्यवसायी भए पनि  तत्कालिन २०४९ सालमा जोगबुढा गाविस अध्यक्ष भएर काम गरे । त्यस पछि जिल्ला विकास समितीको सदस्य पनि रहेकाले राजनितिक फिल्ड बाटै आएको हु । त्यई पनि बिचको जुन २० बर्ष द्धन्दकालमा मैले राजनिती बाट टाँढा रहेर आफ्नो निर्माण व्यवसाय लाई अगाडी बढाए । थुप्रै देश विकास भौतिक पुर्वाधारहरु निर्माणमा काम गरे । 
स्थानिय तहमा हामि आईसके पछि हिजोका दिनमा कर्मचारीले चलाएको भएकाले पनि केही काम गर्दा अप्ठेरो महसुस त हुन्छ नै । त्यई पनि हामिले परिवर्तनका साथ समुनितिक कुरालाई आत्मसाथ गरेर परिवर्तन आएको छ भनेर काम गर्न सक्नु पर्ने तिब्र गतीमा जान सकेका छैनौ । प्रदेश संघियताको चुनाव, ऐन कानुन अष्पष्ट भएका कारले अलमल भयो तर पनि यो स्थितीलाई पार गरेर हामि अगाडी बढेका छौ । कुनै काम पुर्ण रुपमा रोकिएको छैन । धेरै वटा बिधेयक पनि अहिले पास गरि सकेका छौ । केही नियमावली पनि हामि बनाउदै छौ । प्रक्रियामा छ । आगामी दिनमा अझै यस क्षेत्रको विकास लाई द्रुत गतिमा बढाउदै छौ । यसका साथै यस क्षेत्रको सबै भन्दा पुरामो शिद्धनाथ बिद्यालयको विकासका लागी प्राबिधिक पुर्वाधारको रुपमा अगाडी बढाई रहेका छौ । 

चालु आर्थिक बर्षमा जुन परशुराम संग २६ करोड बजेट थियो यस लाई वडामा कसरी विनियोजन गर्नु भयो ? अनि आन्तरिक आय स्रोत के छ ?
सबै वडा लाई सम्मान तरिकाले बाडेका थियौ ।  आवश्यकताका आधारमा कुनै लाई बढी रकम पनि गयो । ५० लाख देखि अढाई करोड सम्म एक वडा लाई विनियोजन गरेका थियौ । आन्तरिक आए न्युन छ । आगामी दिनमा यस लाई बढाउने योजनामा छौ । 

परशुराम नगरपालिकाका मुख्य चुनौती र अवसरहरु के के हुन ?
मुख्य चुनौती भन्दा सबै भन्दा ठुलो समस्या भु–क्षयको हो । चुरे क्षेत्र संग जोडिएको नगरपालिका भएकाले भु–क्षयले गर्दा यहाको धेरै उर्वरा भुमी नोक्सान गरेको छ । तत्कालिन जोगबुढा दुई सिमलखेत अहिलेको परशुराम ६ भएको छ जुन त्यो पुरै वडा वस्ति नै बाढीले बगाएको छ । शिर्षमा, कलेना, कटालमा पनि बाढि पहिरोले बगाएको, पुरेको छ । साँदनी, पुन्तुरा खोलाले सताएई दुःख दिएको छ । परशुरामाको सबै भन्दा ठुलो समस्या भनेको नदी नियन्त्रण हो । वस्ति जोगाउन नै मुस्किल छ । 
यसका साथै अवसर भनेको यहाको खेर गईरहेको प्राकृतिक स्रोत साधानहरु हुन । नदीमा गिट्टी, वालुवा माथि उठेको अवस्था छ । यस लाई हामिले वैज्ञानिक ढंग बाट आई ई आई गरेर राम्रो संग सदुपयोग गर्न सक्ने हो भने आमदानिको स्रोत बन्न सक्छ । ठाँउ पनि सुन्दर छ भित्रि मधेश हो । कृषिका लागी पनि उर्वरा जमिन प्रसस्त छ । जडिबुटीको सम्भावना पनि उच्च छ । सम्भावना धेरै बोकेको ठाँउ हो ।

परशुरामका दिर्घ कालिन  सम्भावित स्रोतहरु अरु के के बन्न सक्छन ?
मैले भनि हाले गिट्टी, वालुवा, काठ, जटिबुडी लगायत अन्य वैन पैदारको ठुलो सम्भावना छ । यस संगै जनसंख्या बढी भएको क्षेत्र भएकाले एकिकृत आय करले पनि आय स्रोत बढाउछ । यतिले मात्रै पुग्दैन हामिले भोलिका दिनमा यहा उद्योगधन्दा  जस्तै क्रसर, ईटा उद्योग खोल्न सकिन्छ । अन्य विभिन्न घरेलुमा आधारित उद्योगहरु पनि खोल्न सकिने निकै सम्भावना छ । परशुराम धाममा पर्यटनको ठुलो सम्भावना र महत्व छ । अहिले त्यसको गुरु योजना सहित बोल पत्रका रुपमा संरक्षण, सम्वद्र्धन संगै भौतिक पुर्वाधारहरु निर्माण गर्दै पहलमा हामि अघि बढि रहेका छौ । रंगुन नदीमा पुल बन्नै लागेको छ भने सडकको स्तरोउन्नती कालो पत्रे गरी फराकिलो बनाउने योजना हामि संग छ । प्राय सबै वडाका वस्ति वस्तिमा सडक पुगि सकेको छन । अब कुन स्थानमा कृषि तथा पशु जन्य चिज वस्तु उत्पादन हुन्छ यसको अध्ययन अनुसन्धान गरी उत्पादन मुखी स्थानिय बनाई रोजगारी प्रदान गर्ने छौ । 

तपाई स्थानिय सरकार प्रमुख पनि ? क वर्गको निर्माण व्यवसायी पनि ? निर्माण व्यवसायीको लापवार्हीका कारण भौतिक पुर्वाधारका कामहरु रोकिएका हुन्छन ? दुई वटैमा तपाई हुदा के लाई प्राथमिकतामा राख्नु भएको छ ?
म निर्माण व्यवसायी मेरो आफ्नो प्राली हो । अहिले मैले निर्माण व्यवसायको काम आफ्नो घर परिवार र  कर्मचारीको जिम्मा दिई सकेको छु । म अहिले विसुद्ध राजनितीमा लागेर जनताको सेवा गरि रहेको हो । नगरपालिकाले बोलपत्र मार्फत गरेका विकास निर्माणका काम अधिकांस भई सकेका छन भने एक दुई काम अन्तिम चरणमा छन । जेठ भित्रै सम्पन्न हुन्छन । 
जुन तपाईले निर्माणको प्रशंग जोड्नु भयो । निर्माणका कतिपय ठाँउमा राज्यले निर्माण व्यवसायी मात्र काम गर्दैन भन्ने दोष दिन्छ । त्यसमा मेरो सहमती छैन । कुनै ठाँउमा कुनै निर्माण व्यवसायीले नगरेको हुन सक्छ । तर मुख्य कुरा के भने राज्यले डिजाईन ईष्टिमेट गरेर बोलपत्र आह्वान गर्छ । बहुवर्षिय ठेकाहरु निस्कन्छ बहुवर्षिय ठेका अनुसारको रकम छुट्याएको हुदैन । कतिपय ठाँउमा डिजाई स्पष्ट हुदैन । कुनै ठाँउमा मुआब्जाको समस्या छ । कुनै ठाँउमा डिजाईन परिवर्तनको समस्या छ । प्राबिधकको कमि छ । यि यस्ता कयौ कारणहरुले योजना सम्पन्नमा ढिलाई भएका छन भने, जँहा सम्म निर्माण व्यवसायी मात्रै दोष दिने ठाँउ छैन । देश भरीमा अहिले निर्माण व्यवसायीले पैसा नपाएर पनि काम रोकिएको अवस्था छ । 

निर्माण व्यवसायी लाई यस्ता समस्या आउन नदिन परशुराम सरकारले के गर्छ ?
हामि संग जे जती स्रोत साधन र बजेट छ त्यो अनुसारका योजना सञ्चालन गर्छौ । रंगुन नदी तट बन्धको गुरु योजना नै भनौ अहिले बजेटको अभावले योजना प्रभावित भएको छ । नँया आर्थिक बर्षमा पनि बजेट छैन भन्ने सुनिएको छ । यो दुर्भाग्य हो । नेपाल सरकारले टेक्न लगाउने अनि पैसा दिन नसक्ने यो समस्या हो । यसका लागी हामिले सम्बन्धित माननिय ज्युहरु लाई र निकायमा जानकारी गराई सकेका छौ । यो समस्या नओस भोलीका दिनमा जनताले दुःख पाउछन । भएका योजनाहरु पनि अलपत्र जाने हुन्छ । गुरु योजना यदी लागु गरे नेपाल सरकारले ईष्टिमेट स्विकृत गरेर बहुवर्षिय ठेका लगाई सके पछि काम गरेको पैसा दिनु पर्छ । नत्र काम गर्ने मजदुर पनि मर्छ व्यवसायी पनि । त्यो ठुलो समस्या हुन्छ भने अगाडी बढ्ने काम पनि प्रभावित हुन्छ भनेर यसका लागी हामिले सबैलाई अनुरोध गरि सकेका छौ । 

 
 

प्रतिकृया दिनुहोस
SITENAME

जनमैत्री काम भएका छन 

  पुष्कर भण्डारी सोमबार भदौ ११, २०७५ रेडियो सुदूर आवाज भागेश्वर डडेल्धुरा- बिद्यार्थी राजनिती बाट स्थानिय प्रतिनिधीको उमेदवार पछि भागेश्वर

SITENAME

स्मार्ट सिटी घोषणा गराउन कार्यान्वयन तर्फ अघि बढ्दै छौ

बिहिबार जेठ २४, २०७५, रेडियो सुदूर आवाज स्थानिय निकायको निर्वाचनका समयमा अमरगढी स्मार्ट सिटीको नारा लगाई डडेल्धुराको ईतिहासमा पहिलो पटक कम्युनिष्ट

SITENAME

सार्वजनिक निर्माणका काम नै मुख्य प्राथमिकतामा 

बुधवार जेठ २३, २०७५ पुष्कर भण्डारी पहिले गांखेत गाविसको अध्यक्ष हुनु भएको थियो ? संघियता पछि अहिले तपाई गाउपालिका अध्यक्षमा निर्वाचित भएको पनि १०